日常 03

一個冇頭
一個斷手
香港d 所謂時裝舖真係好核突
唔係一間半間
而係間間都用呢d 模型公仔
係，睇慣左大家唔會驚
但會唔會驚
同佢核唔核突
係兩回事
如果電影《新宿事件》係三級片
時裝舖應該都不適合青少年及兒童經過

※※※

不過有太多野
習慣左又真係覺得ok了
例如大家都習慣左街巿係一地污水
賣菜既地方梗係周圍都又籃又盒
去過日本同歐美先知唔係咁
又或者飲茶一定要嘈
丫
應該係以為「熱鬧就等於嘈」
所以中國人真係好嘈
新年又嘈，買野又嘈，食飯又嘈，喪禮都嘈
但習慣左大家又覺得ok

※※※

本來想問個事頭婆︰隻手去左邊
但諗多諗
如果佢意識到冇左隻手
會唔會發惡夢？

※※※

日常 02

做人就係咁
冇時間打blog就想打blog
有時間打blog就走去上網
A>B>C
即係從來都只係想上網
咁學咩人打blog？

※※※

最近 Diablo III 出左
盛事
根本就係所有打機愛好者既盛事
但自從多左「毒男」呢個term
忽然變成毒男盛事
錯晒
而最錯既就係
我部電腦玩唔到
就算玩到
都冇時間去玩
咁有咩結論？冇，其實成件事都唔關我事

※※※

會唔會羡慕？
唔會，只要唔會我個個fd都打緊而我冇得打
但就算個個fd都打緊
其實都冇咩好羡慕
因為我可以用一種上位者既眼光去鄙視佢地
「打機冇前途」
然後到我有得打果陣，就收番呢句野
搞掂

※※※

日常 01

見口渴，去士多買盒野飲
老闆娘嚇我話呢隻係印尼既牛奶
問佢有咩特別，佢話係印尼既
飲完，味道同香港既一樣，過左十個鐘，都冇肚屙
呢盒奶一d 意義都冇


※※※


一盒奶到底要有咩意義？
呢個問題本身就冇意義
因為太細盒
只係幾分鐘我就飲晒
放低佢
我望住佢
佢已經唔係一盒奶，而係一盒冇奶既奶
既然係咁，佢算係咩呢？
我唔知，兼且影完相我就放左佢入垃圾筒
可能你會想問我，點解覺得佢係一件垃圾
而我，係唔識答


※※※


通常故事發展落去
至少要見到新既角色
但我冇
所以故事就完了


※※※